Busca de especialista en EPUB 3 e accesibilidade dixital para impartir formación técnica

Buscamos un profesional con experiencia técnica avanzada en publicacións dixitais (EPUB) para:

Impartir unha formación práctica ao noso equipo técnico e de edición.

Maquetar un arquivo epub resolvendo os problemas técnicos para garantir unha correcta

lexibilidade de todos os seus elementos (taboas, imaxes, texto...)

A formación desenvolverase en Madrid, preferiblemente de forma presencial para facilitar o traballo sobre casos reais, con flexibilidade para adaptarse a formato telemático.

Buscamos un especialista do sector editorial ou do desenvolvemento dixital que traballe a fondo co estándar EPUB e o marco normativo de accesibilidade (Directiva Europea 2019/882, EPUB Accessibility 1.1 e WCAG 2.1 AA).

Obxectivo da formación

Buscamos a alguén que domine a arquitectura interna dun EPUB (HTML5, CSS, metadatos OPF, MathML ou LaTeX) e que traballe habitualmente con ferramentas de edición, validación e lectura como Thorium Reader, Calibre, Sigil, Adobe Digital Editions, NVDA, Ace by DAISY e EPUBCheck.

O curso debe enfocarse en resolver problemas reais e recorrentes:

Desaxustes de deseño líquido: imaxes que non escalan de forma proporcional co texto ou diagramas cortados na pantalla.

Elementos orfos entre saltos de páxina (pes de foto ou títulos desvinculados dos seus gráficos).

Táboas complexas que perden os encabezados ao paginarse.

Erros en lectores específicos, como fallos no buscador de Adobe Digital Editions.

Superíndices con numeración corrupta, notas ao pé reiniciadas de forma anómala ou hipervínculos rotos.

Configuración adecuada de metadatos e cumprimento estrito para superar as validacións de EPUBCheck e Ace by DAISY sen incidencias.

Contacto e propostas

Se che encaixa o perfil e che interesa impartir esta formación con nós, remítenos unha breve descrición da túa traxectoria co formato EPUB e a accesibilidade dixital, a túa dispoñibilidade de datas (presencial en Madrid ou en liña).